Presonis. Caligaris (Sdr): "Buoncammino arriscat de sciopai"

(IlMinuto) – Casteddu, 15 de su mes''e totussantus - Is medas ànimas e is cunditzionis malas de su presoni de Buoncammino in Casteddu funt sèmpiri prus allarmantis. Ddu denunciat cun d'una nota Maria Grazia Caligaris, presidenti de s'assótziu Socialismo Diritti e Riforme.
Segundu sa rapresentanti funt necessàrius interventus fattus debressi, o s'arriscat "de alliscinai in d'una crisi senz''e torrada". "In su presoni casteddaiu - precisat Caligaris - podint essi ativus primu de totu e debressi interventus de alligeramentu de su númeru de is presoneris cun arrecursu a àteras penas e cun s'apricu de su principiu de sa territorialidadi de s'impresonamentu. Su númeru de prus de 500 citadinus chi no tenint prus sa libbertadi (contra a is 332 regulamentaris), diventada oi unu datu fissu, est s'indítziu prus importanti de sa suferéntzia chi is presoneris patint e s'aciungit a cussa de s'impresonamentu, prusatotu in relatzioni a su númeru de is antzianus e de is malàdius chi sunfrint de diversus mabis, medas de custus funt mabis grais".