Pranu Triennali 2011-2013: atóbiu tra s'assessori Milia e su Comitadu pro sa Limba sarda

(IlMinuto) – Casteddu, 12 de su mes''e totussantus - Valutai indiritzus e istrumentus de interventus de sa Regioni in favori de sa connoscéntzia de sa língua sarda e de s'impitu suu, abetendi s'aprou de su Pranu triennali 2011-2013. Esti stetiu custu su tema de s'atóbiu de mérculis passau, in Casteddu, tra s'assessori regionali de sa "Pubblica istruzione" Sergio Milia e una delegatzioni de Su Comidau pro sa limba sarda. De sa reunioni - si ligit in d'una nota de imprenta - "est bessia a foras sa disponibilidadi de s'assessorau a cumentzai caminus de ascurtu e de cundivisioni cun su Comitadu in matéria de política linguistica". "Esti stetiu un'atóbiu meda bonu - at precisau Milia - aundi s'est decidiu de portai ainnantis atzionis in difesa de sa língua sarda".