Operatzioni “Vega”. Aéreus italianus e israelianus in su celu sardu. Pcl: “Tocat a dd’accabbai cun is giogus de gherra”

(IlMinuto) – Casteddu, 19 de su mes''e totussantus - 30 aéreus e prus de 500 sordaus. Fun custus is númerus de s'operatzioni "Vega", s'esercitatzioni militari italu-israelia chi si tenit in custas diris (e at a finiri cenàbara 26 de su mes''e totussantus) in sa basi de Deximu Mannu. A denunciai is "giogus de gherra cun su dinai nostru" est su Partito comunista dei Lavoratori. "No bolleus - scririt su Pcl - ca in is celus nostrus si esercitint aéreus chi ant a andai a portai morti e sciàscius in su mundu". "Comenti Partito comunista dei Lavoratori – concluit sa nota - fueddaus a totus is citadinus de Deximu Mannu chi funt stracus de patiri cust'acuntéssia. Tocat dimandai cun fortza sa serradura de sa basi de Deximu Mannu e tocat a dda torrai a convertiri a iscopus civilis (custu eja chi iat a creai ocupatzioni). Si s'amministratzioni de custa bidda bolliat diaderus su beni de sa genti sua, sa saludi, s'incolumidadi e sa vida de is ànimas chi in su mundu pagant po custus giogus de gherra senz''e coru, iat a depit donai unu signali frimmu e iat a depit pigai is partis de chini no bollit sa basi".