Muay Thai Challenge: sàbudu in Casteddu isfida senz''e esclusioni de cropus tra sa Sardigna e sa Spagna

(IlMinuto) – Casteddu, 24 de su mes''e totussantus - Apuntamentu de no pèrdiri po is amantis de is sport de cumbatimentu. Sàbudu chi benit a is 20.30 sa palestra B de su Palatzetu de bia Rockfeller, in Casteddu, at a aghilliri difatis sa Muay Thai challenge, un'isfida senz''e esclusioni de cropus tra sa Sardigna e sa Spagna. Cincu is match in programma segundu is arrégulas de sa Thai boxe traditzionali, chi previdint scuidadas e cropus de genugu. In is duas garas is professoneris Andrea Serra e Matteo Nieddu s'ant a afrontai rispetivamenti cun Alexander Rivero e cun Jordi Fernandez a distàntzia de tres round de cincu minutus. Tres is garas tra is amadoris: Giancarlo Tola de sa Ichnos gym de Casteddu s'at a cunfrontai cun El Asri, Fabrizio Puddu de sa Body Kombat Sìnnia at afrontai Saidou Diaby e Addy Ardau de su Team Neri at a cumbati cun Alejandro Velasco.