Mostras: S'Umbra presentat sa mostra de disignus de Jacqua "Sguardi sul carcere"

(IlMinuto) – Casteddu, 30 de su mes''e totussantus - Esti cumentzada sàbudu 27 de su mes''e totussantus in is aposentus de sa Galleria S'Umbra de Casteddu, sa mostra de disignus "Sguardi sul carcere". S'aparada, aprontada de s'assótziu culturali s'Umbra, est nàscia in Francia apabas de una bidea de s'Assótziu de istudiantis po s'imparamentu in presoni Genepi. Is associaus ant dimandau a Laurent Jacqua, scritori francesu, de fai 20 disignus po donai vida a unu progetu giranteri. In su mes''e cabudanni de ocannu is òperas de Jacqua funti stetias presentadas in su festival casteddaiu "Marina café noir". In ocasioni de sa mostra atongiàli s'aparada esti stetia arrichia de àterus 15 disignus inéditus. S'Umbra - si ligit in d'una nota - "presentat in sa versioni integrali disignus e didascalias chi contant su presoni e sa violéntzia sua, e sa cunditzioni de vida de is presoneris maladius".

Sa mostra s'at a podi biri totu is diris de is 18.00 a is 21.00 fintzas a du 2 de su mes''e paschixèdda.