Lota de is pastoris sardus: cras processu a is allevadoris frimmaus su 19 de su mes”e ledàminis, sit in de Mps

(IlMinuto) – Casteddu, 16 de su mes''e totussantus - Is pastoris sardus no si frimmant. Ariseru s'assembrea de Mps reunia in s'Hotel s'Anfora, in Tramatza, at bullau sa lei asuba de sa massaria aprovada de su Consillu regionali, acusendi cun craresa a Ugo Cappellacci de ai traixiu s'acórdiu de su de su mes''e totussantus. Is pastoris de su movimentu guidau de Felice Floris ant a cabai duncas torra in pratza intru custa cida, forsis in Casteddu o in d'un'àteru centru de sa provìntzia. A dógnia modu cras is maglietas blu de Mps ant essi in Casteddu, a fac''e su Tribbunali, po su processu a is tres allevadoris frimmaus su 19 de su mes''e ledàminis. Sighit puru s'arregorta de su dinai in solidariedadi a Roberto Fresi, su pastori chi at perdiu un'ogu po mori de lesionis chi s'est pigau in sa mantessi diri in sa càrriga de sa politzia.