Lota de is pastoris. Ddl “massaria”: Mps custumerì in Casteddu po “acastiai” a su Consillu regionali

(IlMinuto) – Casteddu, 9 de su mes''e totussantus - Custu merì Mps at a torrai in Casteddu. Una delegatzioni de su Movimentu guidau de Felice Floris e Fortunato Ladu (firmadoris de s'acórdiu cun Ugo Cappellacci) at essi in citadi po "acastiai" is traballus de su Consillu regionali, reuniu de is 16.00 po s'esàminu de su Ddl de su cumpartu. "Cussu chi depit essi craru in custu momentu - si ligit in d'un'artículu pubblicau in su giassu uficiali de su "Movimento Pastori Sardi" - est ca s'acórdiu firmau in Villa Devoto no at postu fini a su traballu de isvilupu e controllu de su Movimentu, antzis, a su contràriu,  est su comintzu de s'atuatzioni de is progetus chi ddoi funt in su pranu".

A dógnia modu, su Disignu de lei asuba de sa massaria e de s'allevamentu at a arribbai a s'esàminu de s'àula senz''e tenni su permissu de is principalis organizatzionis de su cumpartu: Cia e Coldiretti. Is duas organizatzionis acrarant, tra is àteras cosas, "sa scontroriadura tra s'impignu firmau po donai a dógnia aziendha sarda de su cumpartu 2500 (oi iant a parri giai 3.000) eurus a s'annu e su dinai diderus finatziau in su disignu de lei, chi est scéti 10 millionis, est a nai unu cuartu de iat a serbiri".