"I libri aiutano a vivere meglio": tra Casteddu e Aristanis sa manifestada culturali dedicada a Bruno Munari

(IlMinuto) - Casteddu, 1 de su mes''e totussantus - "I libri aiutano a vivere meglio". Est custu su tema de sa manifestada culturali chi si movit tra cussu chi si bidit, una mostra chi s'at a movi de logu in logu e dedicada a Bruno Munari, e cussu chi si fait, is butegas líbberas e obertas aprontadas de Munlab.

"S'incumentzu de sa mostra dedicada a sa figura importanti de Bruno Munari" - si ligit in d'una nota - "at essi puru una possibbilidadi po una manifestada chi bollit bessiri a foras de s'ordinàriu". Su progetu, difatis, ponit impari fantasia e possibbilidadi de fai esperimentus. Sa mostra at a presentai cosas meda importantis chi benint de sa "Collezione Munari" de sa "Galleria del Design e dell'Arredamento Clac" de Cantù. Sa manifestada at a cumentzai in Casteddu, in sa Galleria Capitol, gióbia 4 de su mes''e totussantus, aundi s'at a podi bisitai finzas a su 21 de su mesi. De su 3 a su 19 de su mes''e paschixèdda s'iniziativa s'at a spostai in Aristanis, in su Foro Boario.