"Fiolìnas in Grogu": s'Ísula de is mistérius in sa primu editzioni de su Festival de Tecla Dozio

(IlMinuto) – Casteddu, 3 de su mes''e totussantus - Tenit comenti títulu "Florinas in Giallo - L'isola dei Misteri" su primu Festival de literadura groga in programma in Fiolìnas de su 6 a su 7 de su mes''e totussantus. S'eventu, chi tenit sa diretzioni artística de Tecla Dozio, tenit comenti obbietivu de creai unu logu de atopu privilegiau po unu tipu de literadura chi at tentu fortuna manna, rapresentau de is diversus tipus de 'Giallo': s'enímma, su politziescu, su noir, su thriller. Unu tipu de literadura chi est arrennescia a essi, in su mantessi tempus, popolari e arta. Su caminu - si ligit in d'una nota - "si sboddiat in setzionis a tema chi previdint atóbius cun autoris, presentadas de líbburus, reading, butegas didàticas po pipius, aperientis literàrius". In is duas diris ddoi at essi logu puru po aparadas graficas e de cos''e papai e de bufai. Su progetu culturali est promòviu de su Comunu de Fiolìnas chi ddat finantziau impari a sa Regioni Autónoma de sa Sardigna.