Apuntamentus: in Samassi sa XXIV Sagra de sa Canciofa

(IlMinuto) – Casteddu, 29 de su mes''e totussantus - Torrat puru ocannu s'apuntamentu de Samassi cun sa Sagra de sa Canciofa. Sa XXIV de s'eventu, chi at a tenni comenti protagonista su rei de sa massaria de sa bidda, s'at a tenni in su primu fin''e cida de su mes''e paschixèdda. Aprontada de sa Pro Loco de bidda, sa sagra s'at a acumpangiai puru in su 2010, comenti est giai de unus cant'annus, a sa Fiera agroalimentari de su Campidanu de Mesu. In is duas diris de festa s'ant a tenni cunvegnus asuba de is temas prus importantis de sa massaria isulana. No scéti, s'at a tenni sa possibbilidadi de bisitai is diversus stand de sa fiera, aundi s'ant a podi tastai is prodotus de sa traditzioni de su Campidanu de Mesu e is retzetas cun canciofa.