"Senz''e Universidadi, nesciunu tempus benidori. In 500 in corteu in Casteddu. Oi assembrea de is istudiantis

(IlMinuto) – Casteddu, 13 de su mes''e ledàminis - Istudiantis, maistus, istudiosus e personali amministrativu. Funti stetias prus de cincuxentus is personis chi ariseru a merì ant isfilau po is bias de su centru de Casteddu po nai no a is tàglius a s'istrutzioni e sa riscerca universitaria bófias de su Guvernu Berlusconi. Su corteu, ammutullonadu, esti stetiu obertu de unu striscioni cun sa scrita "Senz''e Universidadi, nesciunu tempus benidori", poderau de is presidis de is 11 facoltadis casteddaias. Una delegatzioni de manifestantis, guidada de su retori Giovanni Melis, esti stetia arricia de su síndhigu de Casteddu, Emilio Floris, in su Municípiu de bia Roma. De oi asuba de sa Turri de s'Elefanti s'ant a podi biri is iscritas e is símbolus de sa protesta e de is propostas fattas de s'Universidadi casteddaia. Sa mobilitada sighit puru oi cun s'assembrea generali de is istudiantis, chi s'at a depi tenni a is 10.00 in s'intrada de sa Facoltadi de Lettere.