Riforma Gelmini. In su Ténnicu industriali Angioy de Tàtari ddoi funt classis de 43 scientis

(IlMinuto) – Casteddu, 7 de su mes''e ledàminis - "Cun sa riforma iscolastica noa, s'agataus a tenni una classi de 43 alunnus chi no si podit sdopiai" - Est cantu denunciat cun d'una nota Davide Marceddu, rapresentanti de is istudiantis de s'Istitutu ténnicu industriali Angioy de Tàtari.

No scéti, segundu cantu afirmat Marceddu, sa riforma iat ai portau fintzas a s'interrumpimentu de is istudius po una classi de su merì chi furiat po is istudiantis-trabaladoris. "Ocannu - acrarat - ant tentu sa peus is istudiantis de sa tertza eletroténnica de su merì 'sirio'. Issus no tenint nemmancu una classi. Ddis est stestiu nau de abarrai frimmus un'annu cun s'arriscu de no si podi torra iscriri o de si movi de 100 chilómitrus po sighiri is istudius. Ma innoi - concluit su rapresentanti de is istudiantis - si fueddat de babbus de família e istudiantis mannus chi po si poderai su postu de traballu o po ndi tenni unu mellus tenit bisóngiu de unu diploma chi si podint pigai scéti a su merì.