A pustis de otu notis is traballantis de sa Geas lassant sa cabertura de s’istatzioni de Casteddu: “Salvus totus is postus de traballu”

(IlMinuto) – Casteddu, 29 de su ledàminis - Batalla binta po is traballantis de sa Geas. A pustis de noi diris de mobilitada e otu notis passadas asuba de sa cabertura s'Istatzioni de is Ferruvias de Casteddu, is traballantis chi si ocupant de allichidiri is trenus funti stetius cumbintus a finiri sa protesta chi iat blocau totu su sistema de is ferruvias sardas (cun 112 cursas annulladas in sa diri de ariseru). "Seus arrennescius a otèniri su dinai po salvai is postus de traballu de totus is operàjus", at acrarau s'assessori de is "Trasporti" Angelo Carta a is traballantis. Trenitalia at a donai 3,3 millioni de eurus po assegurai su serbítziu de netesa. Cussus chi furiant is ex traballantis Geas ant essi torra pigaus de sa dita chi at a gestiri su serbítziu. "S'acórdiu propostu - precisat una nota de imprenta pubblicada puru in su giassu de sa Regioni Sardigna - previdit ca is cuntratus de traballu possant sighiri ancora po 6 mesis cun sa dita noa chi at pigau s'apaltu".