Processu Bellomonte: bitória de sa difesa asuba de is intercetatzionis. Su 21 sa cuarta udiéntzia

(IlMinuto) – Casteddu, 18 de su mes'e ledàminis - Sighit su processu a Bruno Bellomonte, "indipendentista presoneri". Sa cuarta udiéntzia est in programma po gióbia chi benit, 21 de su mes''e ledàminis, in Roma (pratza Clodio, 9.30). Sa borta passada est a nai su 7 de su mes''e ledàminis, in su coru de sa setziàda ddoi esti stetia ancora una borta sa chistioni de is intercetatzionis. "In s'udiéntzia passada - si ligit in sa relata fatta connosci de s'Ufíciu de imprenta de aMpI - is abbogaus de sa difesa iant otentu ca is basis audiu fessant limpiadas de cussus chi benint lamaus brogliatzus, chi àterus no funt ca is trascritzionis. Annotatzionis allegadas de is inquisidoris unint is signalis audiu chi poi benint ascurtaus". Notas ca, precisat sa relata, "podint influentzai s'ascurtu nou de is intercetatzionis e  trascritzionis noas giusta,  trascritzioni chi ant dimandau is abbogaus de sa difesa a sa Corti".In s'udiéntzia de duas cidas fait sa Corti duncas ha decidiu de - acrarat aMpI - "rennovai s'incàrrigu a sa Digos, chi at spreculitau asububa de s'acuntéssia, de prodúsiri totus is signalis audius pulius, po sa difesa e puru po s'acusa; a custu ant a traballai is piritus (nominaus de sa Corti de Apellu, ndr), comenti tocàt a essi de sa nàscida de s'acuntéssia".