Presonis: "S'afetu est unu diritu": cumentzat s'arregorta de is firmas de s'assótziu 5 novembre e de s'Asarp

(IlMinuto) – Casteddu, 29 de su ledàminis - Presentai una proposta de lei chi donit fiantza a su "diritu a s'afetu" de is presoneris. Cun custu obbietivu is assótzius 5 novembre e Asarp ant a donai vida a un'arregorta de firmas cun sa participatzioni de is famílias de calinucunu presoneri chi s'agatat in su presoni de Buoncammino in Casteddu.

"Po mantèniri o mellorai su raportu cun is personis chi amant - si ligit in s'artículu 1 de sa proposta - is presoneris [...] tenint diritu a una bisita a su mesi de nemmancu tres oras de fil''e pari cun su própriu maridu o cun sa própriu mulleri o cun sa própriu fancedda o facenddu senz''e nesciunu controllu de is ogus allenus chi castiant. In is presonis depint essi fattus aposentus po permiti a su presoneri de tenni relatzionis personalis e afetivas". Is firmas ant essi arregortas po totu su mesi de totussantus a fac''e su presoni de Buonacammino.

A s'apuntamentu fissu de sa cida, est a nai cussu de su lúnis a is 14.00 – giai momentu de protesta de is famílias de is presoneris - s'ant aciúngi àteras mesas de arregorta. Sa campagna de 5 novembre e Arsap at a cumentzai cenàbara chi benit.