Cappellacci bis. Crisponi (Turismu) cumpletat sa Giunta noa. Fresu (Prc): 'Cun Oppi Floris si torrat preistória'

(IlMinuto) – Casteddu, 7 de su mes''e ledàminis - Si cumpletat cun d'intrada, cunfirmada in su merì de ariseru, de su presidenti de FederAlberghi Luigi Crisponi (Riformatori) sa Giunta Cappellacci bis. Po afrontai sa crisi de s'economia e de su cumpartu produtivu de sa Sardigna su centrudestra puntat a  su geòmetru aristanesu Oscar Cherchi (Pdl, 45 annus e tertzu assessori a s'Industria in 18 mesis, a pustis de su giormalista Sandro Angioni e Andreina Farris) e puntat puru suba de nòminis nous, comenti cussu de Giorgio Oppi (Ambiente, Udc, 70 annus) e Mario Floris (Affari generali, 73 annus, Uds) e lassat de una parti is féminas de sa Giunta regionali. Is Àterus assessoraus funt stetius donaus a Nicola Rassu (Enti Locali, Pdl, 61 annus), Sergio Milia (Pubblica istruzione, Udc, 50 annus), Angelo Carta (Trasporti, PsD'Az, 52 annus), Sebastiano Sannitu (Lavori pubblici, Riformatori, 55 annus. Cunfirmaus Giorgio la Spisa (Programmazione), Antonello Liori (Sanità) e i "ténnicus" Andrea Prato (Agricoltura) e Franco Manca (Lavoro).

"Sa Giunta regionali noa fatta de Cappellacci - cummentat su segretàrius regionali de su Prc Gianni Fresu - torrat a portai a is istututzionis regionalis in sa preistória de sa política, po mori de is figuras bécias chi torrant a baddai, nonostanti is responsabbilidadis mannas chi tenit in is esperiéntzias de nos giai connotas de guvernu malu, chi seus paghendi ancora oi". Su rapresentanti de su Prc denunciat puru s'esclusioni de is féminas de su Guvernu regionali. "Sa bregungiosa cumponidura de generi de sa Giunta, chi escludit is féminas de calisisiat ufíciu esecutivu - osservat - est su sprigu fideli de sa becesa culturali de custa majoria chi no tenti sabori de nudda, managa, iscorriada e cumandada de is feudatariuddus de sa política".