"Atóngiu in Barbàgia": in Arìtzu torrat s'apuntamentu cun sa Sagra de is castàngias

(IlMinuto) – Casteddu, 19 de su mes''e ledàminis - Grandu festa in Arìtzu su 30 e su 31 de su mes''e ledàminis. In sa bidda in provìntzia de Nùgoro s'atóngiu at essi coronau de sa famosa Sagra de sa castàngia. S'apuntamentu s'at a tenni in concomitantzia cun sa frimmada de sa manifestada "Atóngiu in Barbàgia".In sa guarnícia ammainadora de su Gennargentu, Arìtzu no at a ofèrriri a is próprius 'amigus' scéti s'atastu de is prodotus de su logu: castàngias, nuxis e nuxeddas. Sa bidda de sa Barbàgia at a colorai difatis is duas diris cun isfiladas, música e ballus. Numerosas puru is mostras, tra custas funt meda importantis cussa dedicada a sa cascia de Arìtzu e cussa chi tenit comenti protagonistas Is Bruxas, cun d'unu codromíngiu chi at a contai sa maia e su strimíngiu in Sardigna tra su XV e su XVII séculu.