XXV Prémiu Dessì: Balzano, Cataluccio e Franchini is finalistas po sa Narrativa. Prémiu ispeciali a Piero Angela
(IlMinuto) – Casteddu, 22 de su mes''e cabudanni - Tintas literarias de atóngiu in Biddexidru. De su 28 de su mes''e cabudanni a su 3 de su mes''e ledàminis torrat difatis su Prémiu literariu "Giuseppe Dessì", ocannu arribbau a XXV editzioni.
Cussa dedicada a su scritori sardu, mortu in su 1977, at essi una cida fita de apuntamentus, chi s'at a serrai cun is premiatzionis de is bincidoris de sa setzioni Narrativa e Poesia, mentris su prémiu ispeciali de sa zuria at a andai a Piero angela e a Cristiana Collu. S'eventu, chi s'at a tenni in sa palestra de bia Stazione, esti stetiu aprontau de sa Funtatzioni Dessì cun s'apógiu de sa Regioni Àutonoma de sa Sardigna (Assessorau de sa "Pubblica Istruzione"), de su Ministeru po is "Beni e le Attività culturali", de sa Fundatzioni "Banco di Sardegna", de s'Amministratzioni Provintziali de su Campidanu de Mesu, de su Comunu de Biddexidru e de su Consortziu Industriali Provintziali Campidanu de Mesu-Biddexidru.
Su programma de sa manifestada - si ligit in d'una nota - "torrat a propòniri su format beni collaudau in is editzionis passadas: atóbius literarius, mostras, ispetàculus, concertus, medas personis importantis". Funt tres is finalistas po dógnia setzioni de su prémiu, chi ocannu at biu sa participatzioni de 447 autoris cun d'unu totali de 296 líbburus de narrativa e 151de poesia. Sa zuria, guidada de Anna Dolfi, est formada de Silvio Ramat, Duilio Caocci, Evanghélia Stead, Giancarlo Pontiggia, Mario Baudino, Massimo Onofri, Stefano Salis e de su presidenti de sa Fundatzioni Dessì, Giuseppe Marras. S'atividadi de sa cummissioni chi depit donai su giudítziu at portau a su sceberu de is finalistas. Po sa Narrativa funti stetius sceberaus: Marco Balzano cun "Il figlio del figlio" (Avagliano), Francesco M. Cataluccio cun "Vado a vedere se di là è meglio: quasi un breviario mitteleuropeo" (Sellerio) e Antonio Franchini cun "Signore delle lacrime" (Marsilio). Po sa poesia is autoris sceberaus funt: Franco Buffoni cun "Roma" (Guanda), Antonio Riccardi cun "Aquarama e altre poesie d'amore" (Garzanti) e Alberto Toni cun "Alla lontana, alla prima luce del mondo" (Jaca Book).
Domínigu 3 de su mes''e ledàminis a is 18.00 ddoi at essi sa cirimónia de premiatzioni de is bincidoris. Sa cirimónia guidada de sa giornalista televisiva Paola Saluzzi e is ligimentus de Lia Careddu e Giacomo Casti, sa cosa at essi animanda puru de sa música de Matteo Sau.
Cussa dedicada a su scritori sardu, mortu in su 1977, at essi una cida fita de apuntamentus, chi s'at a serrai cun is premiatzionis de is bincidoris de sa setzioni Narrativa e Poesia, mentris su prémiu ispeciali de sa zuria at a andai a Piero angela e a Cristiana Collu. S'eventu, chi s'at a tenni in sa palestra de bia Stazione, esti stetiu aprontau de sa Funtatzioni Dessì cun s'apógiu de sa Regioni Àutonoma de sa Sardigna (Assessorau de sa "Pubblica Istruzione"), de su Ministeru po is "Beni e le Attività culturali", de sa Fundatzioni "Banco di Sardegna", de s'Amministratzioni Provintziali de su Campidanu de Mesu, de su Comunu de Biddexidru e de su Consortziu Industriali Provintziali Campidanu de Mesu-Biddexidru.
Su programma de sa manifestada - si ligit in d'una nota - "torrat a propòniri su format beni collaudau in is editzionis passadas: atóbius literarius, mostras, ispetàculus, concertus, medas personis importantis". Funt tres is finalistas po dógnia setzioni de su prémiu, chi ocannu at biu sa participatzioni de 447 autoris cun d'unu totali de 296 líbburus de narrativa e 151de poesia. Sa zuria, guidada de Anna Dolfi, est formada de Silvio Ramat, Duilio Caocci, Evanghélia Stead, Giancarlo Pontiggia, Mario Baudino, Massimo Onofri, Stefano Salis e de su presidenti de sa Fundatzioni Dessì, Giuseppe Marras. S'atividadi de sa cummissioni chi depit donai su giudítziu at portau a su sceberu de is finalistas. Po sa Narrativa funti stetius sceberaus: Marco Balzano cun "Il figlio del figlio" (Avagliano), Francesco M. Cataluccio cun "Vado a vedere se di là è meglio: quasi un breviario mitteleuropeo" (Sellerio) e Antonio Franchini cun "Signore delle lacrime" (Marsilio). Po sa poesia is autoris sceberaus funt: Franco Buffoni cun "Roma" (Guanda), Antonio Riccardi cun "Aquarama e altre poesie d'amore" (Garzanti) e Alberto Toni cun "Alla lontana, alla prima luce del mondo" (Jaca Book).
Domínigu 3 de su mes''e ledàminis a is 18.00 ddoi at essi sa cirimónia de premiatzioni de is bincidoris. Sa cirimónia guidada de sa giornalista televisiva Paola Saluzzi e is ligimentus de Lia Careddu e Giacomo Casti, sa cosa at essi animanda puru de sa música de Matteo Sau.
© RIPRODUZIONE RISERVATA