Università. Melis e Mastino scrivono a Cappellacci: “Aumenti biglietti penalizzano studenti. Necessaria green card”

(IlMinuto) – Casteddu, 6 de su mes''e cabudanni - Puru s'Universidadi sarda narat no a is aumentus de is traportus púbblicus. Cun d'una lítera a su presidenti de sa Regioni Ugo Cappellacci, is retoris de is ateneus de Casteddu, Giovanni Melis, e de Tàtari, Attilio Mastino, denunciant "s'aumentu mannu de su costu asuba de is pabas de is istudiantis". S'aumentu de is prétzius  - si ligit in d'una nota pubblicada in su giassu de s'Universidadi de Casteddu - at a fai dannu a is istudiantis  "giai addanniaus de is límitis de is istruturas regionalis de ospidàgiu e de is cunditzionis de is istruturas de is ferruvias".
S'aumentu de su prétziu de su billetu de is trasportus púbblicus, chi s'est tentu de pagu tempus po mori de sa Giunta regionali, scrirint Melis e Mastino, est "in scontróriu cun sa política regionali positiva de acotzu a sa didàtica e sa ricerca universitaria". Is duus retoris dimandant a su presindenti de Regioni  "formas noas de agiudu po is istudiantis, pighendi a modellu sa ‘green card’ giai usada in àteras regionis".