"Tuttestorie": in su mes''e ledàminis sa V editzioni de su Festival de contus po piciocheddus

(IlMinuto) - Casteddu, 16 de su mes''e cabudanni - S'at a tenni de su 13 a su 18 de su mes''e ledàminis, tra Casteddu e Cuartu Sant'Alèni, in is ispàzius tra s'Exmà, sa pratza San Cosimo, is bibbliotecas comunalis de Casteddu e sa "Biblioteca Ragazzi" de Cuartu, sa V editzioni de su festival "Tuttestorie", manifestada dedicada a is contus po piciocheddus, chi ocannu at a tenni po títulu “Malanotte. Racconti, visioni e libri per illuminare il buio”.

Unu programma de 175 apuntamentus, chi - si ligit in d'una nota - at a biri sa preséntzia de "istudiosus italianus e de foras de istadu: scritoris, disignadoris, scientziaus, artistas, musitzistas, atoris, giocaglieris, giornalistas".

Sa manifestada, chi at a cumentzai cun su progetu “Pane di luna, stelline cotte, dichiaro notte”, fait giai parti de sa "Rete dei Festival Letterari Aperti ai Giovani", promòvia de su Ministero de sa Gioventù, de s'Anci e de s'Assessorato a is Politiche Giovanili de su Comunu de Casteddu.