Trasporti. Carboni (Rdb/Usb): “La Giunta Cappellacci fa pagare ai sardi i 282 nuovi pullman”. Da Facebook al Consiglio: il sette manifestazione anti “caro-autobus”

(IlMinuto) – Casteddu, 2 de su mes''e cabudanni - "Is aumentus de is prétzius de su Ctm Catessu, de s'Atp Nùgoro e de s'Aspo Terranòa ant a serbiri a fai pagai a sa genti su rennovu de su parcu autobus, unu rennou chi cunsistit in sa còmpora de 282 pullman de tipu urbanu de destinai a is aziendhas púbblicas de trasportu urbanu. Custu no si podit pentzai". Est cantu afirmat in d'una nota su sindacalista de s'Rdb/Usb Federico Carboni. "Aprofitendi de is férias de s'istadi sa Giunta Cappellacci - afirmat Carboni - fait un'arregalu a is sardus ponendi is manus in busciaca a precarius, disimperaus, pensionaus, féminas chi faint su doveri 'e domu, istudiantis, traballadoris, disterraus e totus cantus viagiant cun is metzus púbblicus, aprovendi cun delíbbera de su 3 de su mes''e austu totu una fibera de aumentus po is trasportus de sa citadi e po cussus regionalis". S'Usb proponit duncas sa lamada de un'atóbiu cun sa preséntzia de is istitutzionis e de is rapresentàntzias socialis po "agatai una curretzioni a is aumentus abbastàntzia disunestus".

"Aumentus assumancu de su 20 po centu - precisat Carboni - de meda superioris a s'índixi de is prétzius a su consumu po is famílias de is operàjus e  de is impiegaus chi est cresciu de pagu prus de s'8 po centu de s'últimu disignu de is prétzius, in su mes''e paschixèdda 2005".

De ariseru ddoi funt is prétzius nous. Su grupu Facebook chi de diversas cidas si batit contra a is aumentus de is prétzius (17.905 iscritus a oi) at decidiu de portai in pratza sa protesta virtuali. S'apuntamentu - si ligit in su 'muru' de su grupu - est po su 7 de su mes''e cabudanni a is 9.00, in Casteddu, po una "mobilitada cun genti medi" a fac''e sa sedi de su Consillu regionali.