Tennistavolo: su sardu-russu Kuznetsov conchistat a Molfetta

(IlMinuto) – Casteddu, 17 de su mes''e cabudanni - Cumentzat beni sa stagioni sportiva de su "tennistavolo" ísulanu. S'atleta sardu-russu Maxim Kuznetsov at difatis istratallau a totus is aversàrius in su torneu natzionali chi s'est tentu sàbudu passau in Molfetta.

In sa finali de su torneu Kuznetsov, númeru 45 de sa classífica italiana, at superau in cuatru set Marco Sinigaglia (númeru 31).

Su russu Kuznetsov est de domu in Sardigna: cojau in Guspini e babbu de una pipia meda toga, at militau a livellus mannus, primu in sa scuadra de su centru minieràriu e a pustis in sa Marcozzi Casteddu.

"Addolumannu - si ligit in d'una nota - no tenit sa possibbilidadi de s'allenai cun frimmesa po mori de su traballu. In medas si dimandant ita iat a podi donai a is tifosus suus si ddi fesat possíbbili pratigai su sport suus cun fitiania".