Serbítzius sanitarius po immigraus. Cras in Casteddu cunvegnu cun Aldo Morrone

(IlMinuto) – Casteddu, 23 de su mes''e cabudanni - "Orientamento dell’accesso ai Servizi Sanitari per gli Immigrati": at essi custu su tema de su cunvegnu in programma cras in Casteddu (9.00, Ceaser's Hotel). "In s'atóbiu - si ligit in d'una nota fatta connosci de s'Ufíciu de imprenta de sa Asl de Casteddu - s'at a fueddai de is abbisóngius socialis de is immigraus presentis in sa provìntzia de Casteddu e de s'abbiléntzia de arrespusta de is istitutzionis a is problemas sanitarius de is furesteris e ancora de s'esperiéntzia cumentzada de sa Asl de Casteddu in custu campu".
Tra is àterus, at a participai a s'atóbiu Aldo Morone, diretori generali de s'Istitutu natzionali po sa promotzioni de sa saludi de is populatzionis Emigrantis e sa gherra de is maladias de sa Poberesa, unu de is espertus natzionalis prus mannus de sa  meixina de is emigratzionis, de is  patologias tropicalis e de sa  poberesa.