“Regnos Altos”: su jazz de Enzo Favata protagonista de s'editzioni 2010 de su Festival

(IlMinuto) – Casteddu, 3 de su mes''e cabudanni - torrat in Bosa s'apuntamentu cun su Festival “Regnos Altos”. De custumerì a domínigu sa citadina at a aghilliri turistas e citadinus cun música, contus e àterus eventus, abetendi sa festa traditzionali de Nostra Signora de Regnos Altos, chi at a cumentzai su segundhu domínigu de su mesi. S'editzioni 2010 at essi oberta de unu classicu de sa música jazz made in Sardinia. In pratza Carmine, a is 21.00, su miríficu sassofonista de S'Alighera Enzo Favata at a portai asuba de su palcu una de is suas fortunas prus mannas : su progetu “Voyage en Sardaigne Orchestra”.Cras a merì ant a andai in iscena un'apuntamentu po is prus piticus. In pratza Modoleddu, a is 19.00, at essi sa borta de “Il jazz raccontato ai bambini”. Un'atóbiu chi at a biri comenti protagonistas própriu is prus giòvanus chi - si ligit in d'una nota - "si bollint acostai a unu generi musicali chi tragat su coru cometi fait su jazz".
Enzo Favata, Marcello Peghin, Riccardo Pittau e Carlo Sezzi ant a contai is nascidas de custu generi musicali, ant a acrarai ita est s'improvisatzioni e ant a nai comenti si podint otèniri sonus meda diversus de su mantessi istrumentu. S'úrtima diri de su Festival at a tenni giai su pensu a sa festa manna de Regnos Altos. Domínigu, a is 19.00, in pratza Modoleddu, Enedina Sanna at a guidai s'apuntamentu “I racconti della festa. La tradizione di Regnos Altos raccontata dagli abitanti”.
"At essi s'ocasioni -acrarant is aprontadoris - po torrai a scoberri traditzionis antigas e po connòsciri is ritus e is costumus acapiaus a una de is festas prus fortis po sa genti de Bosa".