Pinedu de Santa Lucia: su Cumitau fait recursu a su Tar contra a su Puc de Thiniscòle

(IlMinuto) – Casteddu, 3 de su mes''e cabudanni - Sighit sa batalla de su "Comitato Salviamo Santa Lucia" contra a s'isperdíssiu de su pinedu chi s'agat in su litorali de Thiniscòle. Calencuna cida fait, duas ativistas de su Cumitau in sa fratzioni de Santa Lucia, ant difatis presentau recursu a su Tribbunali amministrativu regionali contra a su Puc de Thiniscòle.Pianu urbanisticu comunali - si ligit in d'una nota - "aprovau in auséntzia de su preventivu e vinculanti protzedimentu de Avaloramntu ambientali strategicu" e chi previdit sa realizatzioni de istruturas e de serbítzius aintru de s'area de su pinedu.
"Su Cumitau - acrarant is aprontadoris de su recursu - agiudau de su "Gruppo di Intervento Giuridico" e rapresentau de s'abbogau Lia Pacifico, abetat sa decisioni de sa magistradura amministrativa, cun totu sa cunvintzioni de biri reconotas is próprius arrexonis".
In casi un'annu de opositzioni, su Cumitau at aghilliu prus de 6milla firmas po salvai su pinedu e s'identidadi istorica e culturali de sa burgu de Santa Lucia.