Perígulu po su trasportu púbblicu locali. Bianco (Cgil): "Taglius po dexi milionis in su 2011. Arriscu po traballu e serbitzius"

(IlMinuto) – Casteddu, 20 de su mes''e cabudanni - "Is tàglius de sa finantziària natzionali arriscant de cumpromítiri is serbítzius e is postus de traballu de su traportu púbblicu de su territoriu". Cun custus fueddus su segretàriu regionali de sa Filt Cgil, Sandro Bianco, chistionat de su perígulu estremu chi faint is tàglius bófius de su Guvernu. S'apinnicu de sa Filt nascit de sa nota fatta connosci s'8 de su mes''e cabudanni de s'Assessorau regionali de is "Trasporti", chi stimat in su 10 po centu de mancu is risorsas chi su Stadu at a trasferiri a sa Sardigna in 2011.

"Immoi scideus - acrarat Bianco - cali funt is arrexonis de is aumentus de is prétzius: s'irminorigamentu mannu de is risorsas".

"Cussu chi no si narat est ca - sighit sa nota sindacali - a faci de un'ispesa regionali totali stimada de su mantessi Assessorau in 160 millionis de eurus a s'annu, su tàgliu de 16 millionis (10 po centu) at a fai, si no si pigant debressi provedimentus giustus, un'irminorigamentu de su serbítziu e de su personali. Cun d'unu dannu grai po is traballantis e po is citadinus".