Pastorizia. (Floris) Mps: “A Roma flop della Coldiretti. Il 14 settembre a Cagliari per gridare la nostra disperazione”

(IlMinuto) – Casteddu, 7 de su mes''e cabudanni - "Sa trasferta de sa Coldiretti regionali in Roma esti stetia unu beru flop. No funt arrennescius a si fai arriciri de su Ministru, comenti iant annuntziau a grandu pompa, e nemmancu de unu sotosegretàriu. Si funt depius acuntentai de su capu de gabinetu. Unu fallimentu meda grai e pagau in manera pesanti de massajus e pastoris". Ddu narat in d'una nota su leader de su "Movimento Pastori Sardi", Felice Floris. "Seus meda dispraxius de custu fallimentu - acrarat Floris - poita torrat a arrui in modu grai asuba de totu sa categoria de is pastoris e de is massajus sardus, po mori de s'incapacidadi de un'organizatzioni comenti sa Coldiretti, chi, po chistionai cun d'unu funtzionàriu de su ministeru, at fattu movi centinas de personis disisperadas".
"Sa crisi chi corpit a is aziendhas est unu dramma - precisat su rapresentanti de su Movimentu - asuba de su cali nemus tenit su diritu de speculai, ancora de mancu un'organizatzioni istorica comenti sa Coldiretti".
In su trastempus su "Movimento Pastori Sardi" sighit a aprontai sa manifestada de Casteddu de su 14 de su mes''e cabudanni. Oi est in programma un'assembrea de zona in Lanusè.
"Bolleus - precisat Floris - tzerriai s'arràbiu nostru e su disisperu nostru, ma puru dimandai cun fortza a sa Giunta regionali chi bengant aghillias is propostas nostras po afrontai e risòlviri, una borta po sèmpiri, sa crisi de custa pastoria chi est a sa fini".