Pastoria. Fabbris (Altragricoltura) a Mps: "Sa lota de bosàterus e sa nostra. Coldiretti barrosa e pronta a si bendi sa cuscéntzia"

(IlMinuto) – Casteddu, 8 de su mes''e cabudanni - "Sa lota de bosàterus est, oi, sa nostra. Est sa lota po sa dignidadi de chini traballat sa terra, pesat e produsit cos''e papai. Est sa lota po no si ndi depi liai torra su capeddu a fac''e chini si iat a bolli moddis a agguantai una sorti chi no eus sceberau". Cun custus fueddus - pigaus de is primus rigas de una longa lítera indiritzada "a is collegas, fradis e sorris pastoris impignaus in is mobilitadas in Sardigna" - su cordinadori natzionali de Altragricoltura, Gianni Fabbris, espressat solidariedadi a sa mobilitada de su "Movimento dei Pastori Sardi".

Fabbris si ndi stresiat in veci de Coldiretti. "Castiaus a s'esperiéntzia de bosàterus - scririt Fabbris - cun arrespetu e segurus ca s'autonomia de bosàterus siat unu valori chi andat tutelau". "Eus biu - acrarat su cordinadori de Altragricoltura - is tentativus barrosus e pagu pulius de ponni is manus asuba de sa protesta fattus de sa Coldiretti in Sardigna (o mellus su capeddeddu grogu) po tratai cun sa política. Tàtica bécia e perigulosa, poita arribbat a ofèrriri a is istitutzionis una roca cumpraxentziosa e pronta a su compromissu".