Movimento pastori sardi a Cappellacci: “Nemus aprofetat de sa fidi nostra”. Cras assembrea in Portu Turre

(IlMinuto) – Casteddu, 30 de su mes''e cabudanni - Sighit senz''e pàsiu s'atividadi de Mps. Su Movimentu guidau de Felice Floris, chi cras s'at a reuniri in assembrea in Pòrtu Turre, fait una pregunta noa de atóbiu a su presidenti de sa Giunta Regionali, Ugo Cappellacci, po tenni "novas precisas asuba de is arrisurtaus de is cosas promitias de su presidenti Cappellacci e de su Consillu regionali po afrontai sa crisi grai de sa pastoria sarda". "Nos cunfidaus - narat Felice Floris - in sa dispobibbilidadi de su presidenti Cappellacci e de sa Giunta sua, ma no podeus abasciai sa guàrdia e eus a sighiri sa mobilitada nostra po podi controllai sèmpiri cussu chi fait su Guvernu regionali e is arrisurtaus chi ndi bessint. Seus diaderus a stancus e no iaus a bolli arribbai a manifestadas ancora prus fortis de cussas aprontadas in s'istadi". "Ma si custu iat a depi acuntéssiri - concluit su leader de su Movimentu - sa responsabbilidadi at essi de su Guvernu regionali e de su Guvernu natzionali poita a custus eus donau fintzas a immoi fidúcia e a custus esus ammostau su sensu de responsabbilidadi nostru, po custu perou nesciunu est autorizau a si ndi aprofitai asuba de sa peddi de is pastoris e de is famílias insoru".