Librus: de su 24 mes''e cabudanni is atóbius de Stefano Olivo po s'organizatzioni de is bibbliotecas

(IlMinuto) – Casteddu, 17 de su mes''e cabudanni - At a cumentzai su 24 de su mes''e cabudanni de Tèmpiu (17.00, Bibblioteca comunali) su ciclu de apuntamentus chi at a biri comenti protagonista Stefano Olivo, autori de su líbburu "La gestione delle biblioteche in Italia: sviluppo e prospettive di un servizio pubblico locale".

S'autori - si ligit in d'una nota - at essi in s'Ísula "po tres atóbius-seminàriu promòvius de sa Bibblioteca de Sardigna cun s'apógiu de sa setzioni sarda de s'Aib ("Associazione Italiana Biblioteche")".

Su 25 de su mes''e cabudanni Olivo, bincidori de su Prémiu Bibliographica 2009, at essi presenti in Tula (10.00, Auditorium comunali), e in Carzèghe (18.00, Centru culturali).

Is atóbius, a númeru serrau e obertus a unu màssimu de 50 participantis, ant a tenni comenti tema "La gestione  delle biblioteche: amministrazione, servizi, professionalità".

Totus is interessaus s'ant a depi iscriri a gratis intru su 21 de su mes''e cabudanni mandendi is próprius datus anagraficus (Nòmini, Sambenau, Logu e Data de nàscida, Númeru de teléfonu, E-mail) e sa sedi sceberada a s'ndiritzu: info@bibliotecadisardegna.it.