Istudiu: una divisa tennologica po su pompieri de su tempus benidori. In Pula sa presentada de su progetu

(IlMinuto) – Casteddu, 9 de su mes”e cabudanni – Tra pagus annus is pompieris ant a podi afrontai apretus e perígulus cun s'agiudu de is tennologias prus a s'avanguàrdia. Unu team de istudiu guidau de Annalisa Bonfiglio, maista de Eletrònica a s'Universidadi de Casteddu e istudiosa de su Cnr, at difatis progetau sa divisa de su tempus benidori: un'abidu cun antennas e partis eletronicas postas inderetura in s'arrobba. Ddu narat cun d'una nota s'ufíciu de imprenta de s'Ateneu casteddaiu.

Si ddoi fessant terremotus, strasuras, incidentis industrialis mannus is operadoris de s'agiudu ant a tenni duncas sa possibbilidadi de fai su monitoràggiu in su momentu 'e totu de is cunditzionis fisicas e ambientalis.

Su progetu cordinau de Bonfiglio, cumentzau in su 2006, at postu impari is cumpeténtzias de 23 partner europeus. Is campionis de is divisas ant essi presentaus oi e cras in Pula.