Ispetàculus: in su Teatru Cívicu de Casteddu 'e susu "Bellas Mariposas" de Sergio Atzeni

(IlMinuto) – Casteddu, 14 de su mes''e cabudanni - Iscàmpius de luxi leterariàs su 23 de su mes''e cabudanni in su Teatru Cívicu de Casteddu 'e susu. A is oras 21.00 at a andai difatis in iscena "Bellas Mariposas", de su contu de Sergio Atzeni. S'istoria interpretada est sa crobetanza de una bisioni chi cicat in is modus e in is rítimus scuncertantis de sa rapresentatzioni moderna su sensu e s'ànima de unu mundu antigu.

Cun s'arti de is fueddus, s'autori sardu contat s'istoria de duas piciocheddas chi tenint su disigiu de bobai, lébias, in su celu de su própriu tempus benidori, de su própriu riscatu, comenti duas mariposas braxas e ammutullonadas. Mariposas lébias in d'una Casteddu guasta, pintada cun abbilesa a metadi tra una realidadi nua e su fingimentu.

Cussu de su Teatru Cívicu at essi unu ligimentu leteràriu musicau in su momentu 'e totu. Is protagonistas funt Andrea Congia e Arrogalla Bentesoi po sa parti musicali e Camilla Soru po sa boxi chi contat.