"Donaus boxi a chini no dda tenit". In Casteddu corteu contra a sa norma chi donat su permissu de fai esperimentus asuba de is animabis"bregúngia europea"

(IlMinuto) – Casteddu, 16 de su mes''e cabudanni - Puru Casteddu cabat in pratza po nai no a sa norma europea noa chi donat su permissu de fai esperimentus asuba de is animabis. Sa proposta contra a sa "bregúngia europea", esti stetia aprontada in Facebook e at giai arragortu casi 1.350 adesionis. Su corteu, in programma po su 25 de su mes''e cabudanni, at a partiri de bia Roma (su logu de s'apuntamentu est in pratza Deffenu a is 18.00). "Seus totus imbidaus a participai - acrarant is aprontadoris - po donai boxi a chini no dd'at tentit. S'8 de su mes''e cabudanni su Parlamentu europeu at aprovau is mudíficas de sa normativa chi fueddat de is esperimentus asuba de is animabis. Dógnia animabi at a podi patiri esperimentus fintzas a tres bias senz''e óbbligu de anastesia. Is animabis ant a podi essi sfinigaus fintzas a sa morti cun pràtigas comenti su nadu a sa marolla. Ant a benni impitadas mantenicas e banduleris arregortus in s'istrada".