Cínema: in su mes''e paschixèdda su Sardinian Sustainability Film Festival, cuncursu chi fueddat de sa sostenibilidadi sociali e ambientali

(IlMinuto) – Casteddu, 9 de su mes''e cabudanni – Àcua, ària, clima, energia, impitu de su territoriu, edilitzia, smartimentu de is arrefudus, citadinàntzia, consumus, traballu e diritus umanus: ant essi custus is temas de su Sardinian Sustainability Film Festival, su cuncursu cinematogràficu internatzionali pròmoviu de is comunus de Abbasànta e Norghìddo cun s'agiudu de s'Assótziu de "Promozione Sociale Anima Libera".

S'eventu, chi s'at a tenni in su mes''e paschixèdda, est obertu a totus is òperas chi tenit comenti tema cussu de sostenibilidadi sociali e ambientali.
Is òperas ant a podi essi presentadas fintzas a su 31 de su paschiexèdda. Su prémiu est de 12 milla eurus.
Su cuncursu - si ligit in d'una nota - "nascit po creai sa possibbilidadi de unu cunfrontu de bidea asuba de sa sostenibilidadi, po agiudai a sa promotzioni de valoris e sa connoscéntzia de sàpiris chi favoressant unu tempus benidori sostenibili".

Ligi su regolamentu