"Cabidanni 2010": crisi, soverania e indipedentzia funt su coru de s'apuntamentu de Sns in Pòrtu Turre

(IlMinuto) – Casteddu, 21 de su mes''e cabudanni - "Contra a sa crisi, soverania?". At essi custu su tema de s'editzioni 2010 de Cabidanni, s'apuntamentu de su Sindacadu de Sa Natzione Sarda chi ocannu s'at a tenni su 25 de su mes''e cabudanni in Pòrtu Turre, in is giardinus de "San Gavino". "Cun sa crisi struturali de s'economia sarda - si ligit in d'una nota - ammanniat sa dipendhéntzia de s'Itàlia e de is dinàmicas economicas, políticas e culturalis de is organísimus internatzionalis. Cali strategias po unu modellu de isvilupu nou? Sa soverania? S'indipendentzia de sa natzioni sarda? Unu processu beru de autogovernu. Unu processu costituenti po unu Statutu nou". A sa cosa ant a participai is traballantis de is diversas realidadis in lota (aziendhas in crisi, operàjus cassintegraus, precàrius, etc). At essi puru presentau su líbburu "De André e la Gallura": 24 annus contaus de is amigus cun fotogràfias e testimónias innédiatas.