“Artistas sardos pro sa libertade”: in Sobarussa concertu e dibbatidu asuba de su processu a Bruno Bellomonte

(IlMinuto) – Casteddu, 6 de su mes''e cabudanni - Is Stranos Elementos de Pòrtu Turre, is Limbudos de Nùgoro, is Skanking Caos de Ossi e is Tzoku (ex Kenze Neke) de Thiniscòle. Ant essi custus is protagonistas de "Artistas sardos pro sa libertade", su concertu aprontau de A Manca pro s’Indipendentzia e de s'assótziu culturali A Ziru. Sa kermesse musicali s'at a tenni cenàbara 10 de su mes''e cabudanni in su parcu de "San Gregorio", in Sobarussa, e at essi precedia a is 18.00 de unu dibbàtidu asuba de su processu a Bruno Bellomonte "indipendentista presoneri cun - arremaciat sèmpiri aMpI - acusas chi no tenit ne conca ne peis".

"Su concertu - si ligit in d'una nota fatta connosci de s'organizatzioni indipendentista de sinistra - apariciat a sa manifestada de su 16 de su mes''e cabudanni in Roma, po sa primu udiéntzia a Bruno e a is àterus cumpangius italianus arrestaus". Po agiudai is ispesas de sa manifestada est possíbbili mandai unu contribbutu a su contu postali intestau a Alessandra Ruggiu (poste pay 4023600453477236).

Po prenotai su billetu cun parténtzia in sa diri de su 15 de su mes''e cabudanni de Terranòa est necessàriu lamai a su númeru 3490573528.