Sni: "No a is lissenziamentus a 'Radio Corse Frequenza Mora'. In perígulu sa comunicazioni tra is ísulas carralis"

(IlMinuto) - Casteddu, 3 de su mes''e austu - Su tàgliu de su personali 'Radio Corse Frequenza Mora' e su trasferimentu de is trasmissionis in Parigi arriscat de ponni "in sériu perígulu un'importanti ponti culturali tra sa Sardigna e sa Corsica". Est cantu denunciat cun d'una nota su cordinadori nazionali de Sardigna Natzione Bustianu Cumpostu.
Su ponti culturali nàsciu de s'amiganzia tra Rcfm e sa stazioni casteddaia, Radio Press, s'at a podi segai.
Sni - si ligit in d'una nota - espressat "totu s'apógiu suu a s'isciòpiru de su staff de Rcfm, previdiu po custa cida, e espressat puru forti arrennegu po s'azioni de impiticamentu chi corpit (...) sa libbertadi de sa terra nostra de comunicai cun profetu cun s'ísula carrali".