Sanità. Il Comitato “No alla chiusura dell’ospedale di Thiesi” scrive al Ministro Fazio: “Da Liori solo frottole”

(IlMinuto) - Casteddu, 10 de su mes''e austu - "Su diritu a sa saludi de totus, prusatotu de is maladius". Si serrat cun custus fueddus sa lítera oberta chi su Cumitau "No alla chiusura dell'ospedale di Thiesi" at mandau in is diris passadas a su Ministru de sa "Salute" Ferruccio Fazio.
Su Cumitau denunciat a su Guvernu sa sciusciadura metódica, arrogu po arrogu, de s'istrutura sanitaria. Unu furriadroxu po totu su Logudòro- Mejlogu, un'area cun 15 comunus e 18milla abitantis.
"Si seus rivolgius a s'assessori regionali Liori - si ligit in sa lítera - chi s'at promitiu ca no dd'iat ai serrau, ma at contau scéti fàulas e ddu serrat abellu abellu".
"Ant - acrarant - cumenzau cun su tempus a serrai is repartus de ricóveru, sa saba operatoria e su prontu succursu, in su mes''e argiòlas cun s'iscusa de is ferias de su responsàbbili, ant serrau su centru de anàlisi, de su mes''e austu est serrau po sèmpiri poita esti stetiu portau in Tàtari, a prus de 50 km. Immoi po calincunu disignu políticu, bollint serrai s'únicu repartu de ricóveru abarrau cun scéti 18 letus, bollint tudai is maladius".