Pastoria. Mps: "Lotaus po salvai sa terra nostra". Cenàbara assembrea in Tramatza

(IlMinuto) - Casteddu, 3 de su mes''e austu - "Nos pastoris no seus lamaus a salvai scéti su cumpartu nostru, ma seus lamaus a istrobillai unu cómpitu meda importanti: salvai sa terra nostra". Cun custus fueddus prenus de amori Mps annunziat un'apuntamentu nou in d'un''istadi de lota po is pastoris, a pustis de sa fortuna de s'atóbiu e de sa manifestada chi si funt tentus in Su Masu.
Cenàbara chi benit is traballantis de su cumpartu s'ant a agatai in d'un'assembrea in Tramatza (8.00, distribudori de s'istrada statali 131).
"Si creint iscrobaus, ma s'unioni nostra crescit de diri in diri. Si totus ddu bolleus - si ligit in d'una nota - is cosas podint mudai. Candu in su mundu si fueddat de sa Sardigna totus tenit fissau in su ciorbeddu s'immàgini de is pastoris. Seus s'essénzia e su coru de custa terra".