Ocupazioni: Sardigna a su setimu postu in sa classífica de is regionis aundi est prus fàcili morri po mori de su traballu

(IlMinuto) – Casteddu, 6 de su mes''e austu - Morri po mori de su traballu in Sardigna est sa cosa chi acadessit de prus si cunfrontaus sa cosa cometi andat in is àteras regionis. Est cantu si ligit de is statisticas fattas asuba de is primus seti mesis de s'annu in matéria de "mortis biancas" e fattas connosci de s'Osservatoriu incidentis in su traballu Vega Engineering.
Segundu cantu afirmat s'istudiu fattu de s'Osservatoriu asuba de sa popolassioni chi traballat, in s'Ísula funti stetius 20,30 is incidentis mortalis dógnia millioni de ocupaus. In su Laziu funt "scéti" 7,1 dógnia millioni, in Piemonti 9,1 e in Lombardia 11,2 po millioni. Sa media nazionali est de 18,2 morti asuba de su traballu po millioni. In artu a sa classífica (chi bidit sa Sardigna a su setimu postu) su Molise (45), sighiu de sa Valli d'Aosta cun 35,7 mortus biancas po millionis de traballadoris ativus. De custus datus abarrant a foras is incudentis "in itinere".