Est torrada s'ora de s'International Summer Week. In Casteddu 150 giòvanus de totu is continentis

(IlMinuto) - Casteddu, 3 de su mes''e austu - Est arribbau a sa XIII edizioni s'International Summer Week.
Su prus importanti meeting de su turismu de is assózius tra is giòvanus de s'area de su Mediterràneu, in programma in Casteddu finzas a su 9 de su mes''e austu.
"Dogn'annu - si ligit in d'una nota - prus de 150 giòvanus, chi benint de totus is continentis, arribbant in citadi in sa primu cida de su mes''e austu po scoberri sa cultura sadra e po si fai puru imbasciadoris de sa cultura insoru".
Is giòvanus ant a tenni modu de fueddai tra cussus e de ddu fai puru cun sa genti de su logu, atressu de una fibera de atividadis chi tenint s'iscopu de favorèssiri su diàlogu tra is culturas: atóbius púbblicus, apuntamentus culturalis, rassignas de cos''e papai e bisitas guidadas in calencunu de is logus prus importantis de sa Sardigna meridionali.
"No mancant - acrarant is aprontadoris de sa cosa - is festas e is ocasionis po si divèrtiri, comenti est giustu chi siat po una manifestada fatta de giòvanus po is giòvanus".