Caligaris (Sdr): "Serraus is nùmerus birdis sadrus contras a su cumérciu de sa genti. Aggraviosu signali de pagu civilidadi de parti de su Guvernu"

(IlMinuto) – Casteddu, 9 de su mes''e austu - "Sa rèvoca de su dinai po mantèniri ativus is nùmerus birdis de su territoriu est una pàgina niedda in sa lota contra a su cumérciu de sa genti e un'arregalu a is organizazionis criminalis". Est cantu afirmat cun d'una nota meda forti Maria Grazia Caligaris, presidenti de s'Assóziu 'Socialismo Diritti e Riforme'.
Su primu de su mes''e austu passau, denunciat sa rapresentanti socialista, funti stetius serraus is 14 istruturas regionalis e interegionalis de su nùmeru chi furiat obertu po tutu is oras de sa diri e chi furiat unu puntu frimmu po is màrtiris de su cumérciu pagu bellu. Istruturas chi in custus annus ant agiudau a libberai de su cumérciu 14milla iscraus nous e chi ant donau traballu a 80 ànimas cualificadas.
"Sa decisioni pigada de sa manuvra economica de su Guvernu Berlusconi - acrarat sa rapresentanti socialista - est unu signali aggraviosu de pagu civilidadi chi fait arriscai is progetus contra a unu mercau indinnu: cussu de is ànimas disisperadas".
"Est tristu biri - concluit Caligaris - ca sa Ministra de is "Pari Opportunità" Mara Carfagna apat previdiu de lassai in atividadi scéti sa centrali de Venezia, sciedi beni ca custa cosa iat a tenni cusseguénzias meda grais asuba de unu progetu biu comenti sa pèrela de s'Itàlia".