"Arti in Sardigna": in Piàghe sa primu edizioni de su cuncursu de pintura dedicau a is immàginis de su territoriu

(IlMinuto) - Casteddu, 4 de su mes''e austu - Cuncursu de pintura improvisada in Piàghe. Su 7 de su mes''e austu, de is 09.00 a is 12.00, in su Centru de Aggregazioni Sociali de su Comunu in provìnzia de Tàtari, s'at a tenni sa primu edizioni de "PLOAGHE: volti, luoghi, immagini di un territorio", cuncursu aprontau de su Comunu de Piàghe e de "Arte in Sardegna" de Domenica Sanciu.
A sa cosa - si ligit in d'una nota - "podint participai totus is artistas residentis in Sardigna, e ddu podint fai scéti cun d'un'òpera oberta a dógnia impunnada artistica e ténnica".
Su pràngiu e sa cena ant a benni ofertus de s'Amministrazioni Comunali.
Po podi participai a su cuncursu, dógnia artista at a depi portai sa tela, un'àtera cosa aundi pintai e unu trebidàlgiu.
Totus is òperas acabbadas ant a depi essi consignadas intru is 19.00 po s'avaloramentu de parti de sa zuria, zuria chi at donai unu giudíziu definitivu.
At a sighiri sa premiazioni a sa presénzia de is autoridadis, de is imbidaus e de su púbblicu.
Is òperas ant a abarrai in mostra finzas a su 22 de su mes''e austu.