Acuntéssia Bellomonte. Su 16 de su mes''e cabudanni A Manca in Roma po sa primu udiéntzia de processu

(IlMinuto) – Casteddu, 26 de su mes''e austu - Su 16 de su mes''e cabudanni s'at a tenni in Roma sa primu udiéntzia de su processu a Bruno Bellomonte. Su dirigenti de A Manca pro s'Indipendentzia arrestau su 10 de su mes''e làmpadas de su 2009 cun s'acusa - fatta scéti asuba de intercetatzionis ambientalis - de ai pigau parti a unu tentativu de torrai a organitzai su brigatismu arrubiu in su mentri chi s'abetàt su G8 de Sa Madalèna (a pustis spostau in s'Aquila).

Bellomonte est impresonau de su mes''e argiòlas de su mantessi annu in su presoni de Sianu in Calabria - cussu aundi est prus difícili lompi de sa Sardigna - e est stetiu lissentziau puru de Trenitalia.

Po su cumentzu de su processu, aMpI e su "comitato lavoratori pro Bellomonte" funt promovendi una manifestada po denunciai ancora una borta s'acuntéssia de "giustítzia mala" e de repressioni de s'indipendentismu de sinistra a opinioni púbblica. A Manca pro s'Indipendentzia est organizendi unu viàgiu in traghetu (Terranòa-Civitavecchia etorrada) po su 15 e su 16 de su mes''e cabudanni. Po addiriri a sa cosa e po pigai su billetu telefonai a su númeru 3490573528. Po agiudai economicamentu sa manifestada est possíbbili fai unu versamentu a su contu poste pay 4023600453477236, intestau a Alessandra Ruggiu.