Sla: is malàdius isfidant is 33° de su mes''e argiòlas. Manifestada in Casteddu: "S'assessori arrespetit is impignus"

(IlMinuto) - Casteddu, 15 de su mes''e argiòlas - No est bastau su sobi de una diri meda meda callenti a frimmai sa lota de is maladius de Sla ("Sclerosi laterale amiotrofica").
Stancus de is prumissas, custu mangianu ant manifestau totu sa "sa delusioni e s'arràbbiu" insoru cun d'una mobilitazioni a fac''e sa sedi de s'assessorau de sa "Sanità" in Casteddu.
Arricius cun is familiaris insoru de s'assessori Antonello Liori, is manifestantis ant dimandau ancora una borta a sa Regioni de passai de is fueddus a is fatus, cun s'aprigu de s'assistu in domu po totu sa durada de sa diri aprovau de sa Cummisioni Sla.
"Ita depeus abetai - narat Anna Macis, mulleri de Giorgio Pinna, unu de is protagonistas de sa mobilitada cumenzada cun su dejunu de su 2009 - sa Cummisioni nominada de s'assessori at fattu unu documentu su 29 de su mes''e gennàrgiu, est passau puru tropu tempus. Is maladius minescint arrespetu".
A sa manifestada ant participau puru is maladius chi funt in cundizionis meda malas e po custu sèmpiri a letu. In su mangianu a tradu est arribbau a su sit in s'ex presidenti de sa Regioni Sardigna Renato Soru.