S'arràbiu de is pastoris: "Cun su lati a 60 centésimus no podeus andai ainnantis". Su 30 sa manifestada in s'Aereoportu de Casteddu-Su Masu

(IlMinuto) - Casteddu, 21 de su mes''e argiòlas - "Cun su lati a 60 centésimus cun s'iva funt sèmpiri de prus cussus chi arriscant de serrai de una diri a s'àtera".
Funt custas is arraxonis chi ant ispintu unu grupu de pastoris a aprontai una manifestada púbblica po su 30 de su mes''e argiòlas. Is operadoris de su cumpartu bollint concuistai s'atenzioni chi meritat un'atividadi aici importanti: sa cosa est difatis in programma de is 9.00 a is 15.00 in s'aereoportu de Casteddu-Su Masu.
"No ddoi funt prus iscusas - si ligit in d'una nota pubblicada de Mario Piras, aprontadori de sa cosa, in Facebook - si si bolleus diaderus arrebbellai a su strupiu fattu a su préziu de su lati e bolleus fai intendi sa boxi nostra depeus manifestai totus".