S'arràbiu de is pastoris. "Cumpartu acanta de sparessi". Cras assembrea in Su Masu. In su mes''e cabudanni totus in prazza in Casteddu

(IlMinuto) - Casteddu, 29 de su mes''e argiòlas - "Afrontai una batalla noa po cambiai una circustànzia aggraviosa chi de tropu tempus est portendi su cumpartu nostru a su sciàsciu e a su sparessimentu". Cun custu intentu su "Movimento Pastori Sardi" at aprontau po cras in Su Masu (8.00, Istitutu Agràriu 'Duca degli Abruzzi') un'assembrea oberta a totus is operadoris de su cumpartu.
Chini at a participai a s'atóbiu at a fai una "progetu políticu-economicu" po torrai a fai bivi su cumpartu, pighendi in cunsidériu cussu giai scritu de su Mps.
Su "Movimento pastori sardi" proponit, tra is àteras cosas, "s'abbolizioni de is costus de su trasportu cun s'apricu de sa continuidadi territoriali giai aprovada puru de s'Unioni Europea" e su "fàbbricu de bocidroxus comunalis piticus o de zona po avalorai sa peza nostra e po ndi liai su monipóliu de is pagus carnazéris chi ant annullau su balori de sa peza nostra".
A pustis de ai scritu su progetu at a sighiri sa mobilitazioni de is traballantis de su cumpartu, cun d'una fibera de atóbius in programma in totu s'Ísula e una manifestada de praza meda manna: in su mes''e cabudanni is pastoris sadrus ant a isfilai po is istradas de Casteddu.