"Salvaus s'Ispidali de Utieri": sighit sa petizioni popolari. Obbietivu 10mila firmas

(IlMinuto) - Casteddu, 2 de su mes''e argiòlas - "Su blocu fattu impressi de s'òpera de scodronamentu de is Serbízius Sanitarius de s'Ispidali de Utieri e s'obertura a su citadinu de is Serbízius Sanitarius chi ddoi furiant giai de meda tempus in s'istrutura 'Antonio Segni'". Est cantu dimandat sa petizioni popolari promòvia de calincuna cida de su Cumitau "Salviamo l'Ospedale di Ozieri" chi iat a depi arribbai a su presidenti de sa Giunta regionali Ugo Cappellacci, e a s'Assessori regionali de sa Sanidadi, Antonello Liori.
Su Cumitau, chi afirmat de essi líbberu e senz''e partidus est cichendi de fai movi totu Utieri e is biddas lacanàrgias in nòmini de sa protesta. Sa petizioni (obbietivu 10milla firmas) s'acumpangiat cun d'una lítera oberta mandada a is forzas socialis de su territoriu, imbitadas a frimmai s'istrada de "una política sanitaria de malugoru chi no penzat a su maladiu, a chi no tenit una bera progetualidadi".