Sabino (aMpI): "Is traballantis sadrus sigant a s'esémpiu de sa Carbosulcis"

(IlMinuto) – Casteddu, 7 de su mes''e argiòlas - "Ca is meris fazant is balixas e si ndi andint atesu de sa Sardigna!". Cumenzat cun custus fueddus meda crarus su comunicau de A Manca pro s'Indipendentzia in solidariedadi a is traballantis de sa Carbosulcis.
"Est unu signu de meda importu - acrarat s'imbasciadori de aMpI Cristiano Sabino - s'azioni fatta de is traballantis de sa Carbosulcis de lissenziai e ponni a foras de su giogu su Presidenti e totu sa su Cda de s'aziendha". Dirigenza chi no est capaci - precisat aMpi - de donai una "prospetiva o unu progetu" a sa miniera.
 "Senz''e unu pianu industriali (e cun is giustus investimentus) fattu po torrai a donai vida bella a sa miniera e po arrespetai s'ambienti cun abbentadas zeru de CO2 - sighit Sabino - sa Carbosulcis est destinada a serrai is batentis in pagu tempus".
Po s'organizazioni indipendentista e comunista sa reazioni de is minadoris de sa Carbosulcis depit fai iscola tra is traballantis. "Si is istuzionis colonialis - precisat s'imbasciadori nazionali de A Manca - no funt in gradu de donai apogiu e vida a is atividadis produtivas de sa Sardigna e ansis faint de totu po dda sa fai andai a mali (...) insaras su pópulu traballadori sadru depit pigai s'esémpiu de is traballantis de sa Carbosulcis e mandai a domu is apogiadoris de su colonialismu".