Nucleari. In Patiòlla su no a s'atomu arribat in Consillu comunali

(IlMinuto) – Casteddu - 27 de su mes''e argiòlas - Puru Patiòlla si preparat a sbarrai s'istrada a su nucleari in Sardigna. Cantu primu su comunu de sa provìnzia de Casteddu at essi difatis lamau a votai una delíbbera contra a sa presénzia de centralis e depósitus de ferrinas in s'Ísula.
Dd'at nau cenàbara passau su síndhigu nou, Rosanna Laconi, in d'un'assembrea aprontada de su Cumitau aprontadori po su referendum contra a su Nucleari.
S'atóbiu s'est tentu in su cortíli de un'aziendha agroalimentari de su logu e - si ligit in d'una nota - "at tentu una arraspusta bella de púbblicu e imprendidoris chi ant manifestau s'arreolu insoru (...). Funti stetias arragortas medas iscrizionis a su cumitau 'SI NoNucle', chi est su babbu de totus is cumitaus nàscius contra a su nucleari".